D'Nationalstrooss 10 oder N10 ass eng lëtzebuergesch Nationalstrooss an de Kantone Réimech, Gréiwemaacher, Iechternach, Dikrech, Veianen a Klierf. Si féiert vun der däitscher Grenz zu Schengen laanscht d'Musel, d'Sauer an d'Our bis op Maarnech wou se Uschloss un d'N7 an d'N18 huet. Si huet eng Gesamtlängt vun ca. 113 km an ass domat déi längst Nationalstrooss am Land.

D'N10 fänkt un op der däitscher Grenz zu Schengen op der Bréck iwwer d'Musel, wou se un déi däitsch B407 ugeschloss ass. Vun do leeft se an nërdlecher Richtung laanscht d'Musel, ënner der Autobunn A13 erduerch, weider laanscht Wëntreng, Schwéidsbeng a Bech-Maacher bis op Réimech, wou se sech mat der N2 kräizt. Weider geet se laanscht Stadbriedemes, Hëttermillen, Éinen, Wuermeldeng, On a Meechtem bis op Gréiwemaacher, wou se an d'N1 iwwergeet. Zesumme mat der N1 geet se laanscht Mäertert bis op Waasserbëlleg, wou se op der Kräizung vun der Grand-Rue mat der Rue des Bergers no lënks ofbéit a sech nees vun der N1 trennt... > méi

• … de Moler Pierre-Joseph Redouté (1759-1840) Rafael vun de Blumme genannt gouf?

• ... Jéinesch (oder Lakerschmus), d'Sprooch vun de Jéinen, bis ufanks vum 20. Joerhonnert vu Weimeschkiercher Händlerfamille geschwat gouf?

• ... d'Ionesch Revolt 500/499 v. Chr. en Opstand vun de klengasiateschen an zypriotesche Griiche géint d'Perser war?

• ... vun den iwwer 40 sougenannte Spueneschen Tiermercher, déi et an der Stad Lëtzebeurg gouf, der just nach 9 bis haut existéieren, resp. nees opgebaut goufen?

• ... d'Lise Rischard (geb. Meyer, 1868-1940) am Éischte Weltkrich den Englänner Informatiounen iwwer däitsch Truppentransporter an der Stater Gare zoukomme gelooss huet, andeems dës kodéiert an engem Fortsetzungsroman an der Zäitschrëft Der Landwirt publizéiert goufen?

• ... fir de Bau vun der Adolf-Emil-Hütte (haut ArcelorMittal Esch-Belval) 1909 praktesch dee ganzen 92 ha groussen Escher Bësch ofgeholzt ginn ass?

• 
  1847: Gebuert vum däitsche Räichspresident Paul von Hindenburg.
  
  
  


• 
  1852: De schottesche Chemiker William Ramsay gëtt gebuer.


• 
  1869: Den indesche Politiker a Mënscherechtskämpfer Mahatma Gandhi kënnt op d'Welt.


• 
  1890: Gebuert vum US-amerikanesche Komiker a Schauspiller Groucho Marx (Marx Brothers).


• 
  1904: Den englesche Schrëftsteller Graham Greene gëtt gebuer.


• 
  1917: De belsche Biochemiker an Nobelpräisdréier Christian de Duve kënnt op d'Welt.


• 
  1987: Déi US-amerikanesch-englesch Schauspillerin Madeleine Carroll stierft.


• 
  1999: Doud vum däitsche Schrëftsteller Heinz Günther Konsalik a vum lëtzebuergesche Fotograf Marcel Schroeder.

• 
  01. Oktober: Karel Gott (80), tschechesche Sänger.


• 
  30. September: Jessye Norman, US-amerikanesch Sopranistin.


• 
  26. September: Jacques Chirac (86), franséische Politiker.


• 
  21. September: Sigmund Jähn (82), däitsche Kosmonaut.